Heimspekiskvap-megrun 1

Eðli fólks er ekki eins misjafnt og það er margt. Það er t.d. alþekkt að kynlíf er ofarlega á vinsældarlista fólks víða um heim svo og hefur heimsbyggðin allmikinn áuga á að eignast afkvæmi og fara í stríð ef þurfa þykir. Með öðrum orðum þá stjórnust við af lægstu hvötum okkar hvað mest en afleiddar hvatir svo sem að ná langt í golfi og stefna að lægri forgjöf koma þar á eftir. Það er umhugsunarefni hvers vegna lægstu hvatir okkar eru gjarnan stimplaðar sem óhreinar, jafnvel óeðlilegar. Líklega getum við öll tekið undir að morð, dráp og stríð koma ekki á sérlega góðu jafnvægi í heiminum og því má ýta þessari lághvöt mannsins til hliðar sem aukagetu og afleiðingu þess að hafa þurft að berjast í viðsjárverðum heimi.

Kynlíf hefur verið stimplað af kirkjunni sem eitthvað óhreint en þó ekki bannað nema um sé að ræða þjóna í nokkrum kirkjudeildum. Það er merkileg staðreynd að María var samkvæmt helstu reiknimódelum um 15 vetra eða svo þegar hún varð léttari þannig að bara það hlýtur að vera sanntrúuðum konum hvatning að feta í hennar fótspor, þ.e.a.s. eignast barn utan hjónabands 14 ára gamlar. Svo er það hitt að Jesús sjálfur var karlmaður og alveg örugglega með þær hvatir sem gagn- eða samkynhneigður karlmaður hefur. Það verður að líta svo á að Jesús hafi haft þörf fyrir fýsnir sínar og fengið útrás fyrir þær með fleiri en einni konu eða manni ef svo er á litið. Upprisan og eilíft líf hefur eflaust átt að tákna það að hann hafi náð að barna einhverjar föngulegar meyjar sem svo ælu upp afkomendurna. Þetta daga fargan hvenær hann reis upp og kom niður gæti sem best átt við tíðahring þessara kvenna og hafi átt að segja til um egglos hjá þeim.

Var Jesús með krossfestingarblæti? Sumum finnst gott að láta hýða sig, öðrum líkar hinir ýmsu bindileikir en var Jesús í enorfínánauð og vildi láta það streyma um æðar sér? Sérlega góð leið til þess að auka endorfín í líkamanum er líkamleg áreynsla og sársauki. Jesús þurfti að bera krossinn upp á hæð og með krossfestingu skapast viss sársauki. Af krossfestingu hlýst á endanum dauði oftast köfnun sem segir okkur að hægt hafi verið að bjarga honum. Var þetta kannski ein risastór BDSM orgía sem fór úr böndunum?